2021舊曲新聲彈唱秀指定曲目-二階


第二階段

甄選日期:110年9月1日-110年9月30日

入選公佈:110年10月10日

得獎公佈:110年10月17日


 本階段甄選方式:每一首指定曲以入選一件作品為原則(未達標準可從缺),請踴躍挑戰陌生曲目,增加入選機會!


1.桃花泣血記 詞/詹天馬 曲/王雲峰 原唱/純純  播放(上)》》 播放(下)》》

人生親像桃花枝,有時開花有時死,花有春天再開期,人若死去無活時。

戀愛無分階級性,第一要緊是真情,琳姑出世歹環境,親像桃花彼薄命。

禮教束縛非時代,束縛自由的世界,德恩老母無理解,雖然有錢都也害。

德恩無想是富戶,專心實意愛琳姑,免驚僥負來相誤,我是男子無糊塗。

琳姑自本也愛伊,相信德恩無懷疑,結合良緣真歡喜,將心比心毋甘離。

愛情愈好事愈多,頑固老母真囉嗦,富男貧女毋蓋好,強制平地起風波。

紅顏自本多薄命,拆散兩人的真情,運命作孽真僥倖,失意斷送過一生。

離別愛人蓋艱苦,親像鈍刀割腸肚,專心啼哭病倒鋪,悽慘失意行末路。

壓迫囝兒過無理,家庭革命隨時起,德恩走去欲見伊,可憐見面已經死。

文明社會新時代,戀愛自由才應該,階級約束是有害,婚姻制度著大改。

做人爸母愛注意,舊式禮教著拋棄,結果發生啥代誌,請看桃花泣血記。




2.四季譜 詞/李臨秋 曲/鄧雨賢 原唱/青春美  播放》》 

春風送芳來 萬紫千紅百花開

你敢知 逍遙花園內 好花蕊

我來採 爽快極樂的世界

夏日熱無比 納涼修養海仔邊

毋驚死 雄雄跳落去  拍滂泅

學藏沬 一洗身軀二掠魚

秋月光爍爍 最好八月十五暝

燈猜邊 大人囝仔嬰  猜俗語

對唐詩 通鼓有霆笑微微

冬天雨那濺 落霜降雪風真寒

欲按怎 燒酒來去捾  五碗三

拳來喝 小啉大醉煞弄盤




3.閒花嘆 詞/李臨秋 曲/鄧雨賢 原唱/純純  播放》》

想當初 糖蜜甜 為家貧拆分離

東西別 兩鄉里 鴛鴦情失了去

牛郎織女欲相見 每年在天河邊

阮的七夕待何時 目屎流滿盡是

君在外 路頭遠 阮掛念心頭酸

待何時 會回轉 免你妻掛心腸

看人雙對看月光 咱十五在何方

暝日目屎準菜飯 思郎君瘦青黃




4.夜半的大稻埕 詞/陳君玉 曲/姚讚福 原唱/純純  播放》》

夜半坐佇窗仔口 外頭靜悄悄  掛咧心肝頭的伊 去佗咧逍遙

坎坎坷坷的身軀 就欲昏去了  這爿枕邊的芳味 囥咧阮鼻芳

吐氣只驚白期望 遠遠咧瞭望 無風無雨的懸野 路頂也無人

只有毋知更深的 跳舞的音樂  流出苦苦冷聲調 擾亂阮心弦

因緣落薄我扶你 總比無彼時  秋櫻當咧清芳味 知我佇港邊

一陣近遠交織著 甜蜜的夢裡  若有無聊哭出時 到甲天光時




5.跳舞時代 詞/陳君玉 曲/鄧雨賢 原唱/純純  播放》》

阮是文明女,東西南北自由去,逍遙佮自在,世事怎樣阮毋知,

阮只知文明時代,社交愛公開,男女雙雙,排做一排,跳toroto我上蓋愛

舊慣是怎樣,新慣到底是啥款,阮全然毋管,阮只知影自由花,

定著愛結自由果,將來好毋好,含含糊糊,無煩無惱,跳toroto我想上好。

有人笑我歹,有人講我帶癡獃,我笑世間人,癡獃慒懂戇大呆,

毋知影及時行樂,逍遙佮自在,來來來來,排做一排,跳toroto我上蓋愛。




6.來啦 詞/周添旺 曲/文藝部 原唱/純純、吳成家  播放》》


(男) 來啦!月若是欲出的時,咱著踮佇溪仔邊
歡歡喜喜來合唱 愛的歌詩,來啦!好抑是毋咧,來啦!
毋通閉思,緊來啦!你咱都毋是別人
(女) 總是在阮的心內,所有希望是一項,就是阮望你著永遠愛 共阮疼痛否!
(男) 來啦!做你放心咧,來啦!毋免多疑咧 來啦!通來成對佮成雙。
(女) 來啦!有話欲講咧,來啦!毋著較緊咧,來啦!咱是一樣的心意。
(男) 明知你 有愛我 我的心內 有愛你 你猶原無說出  我也是毋敢講起啊!
(女) 來啦!阮也知影咧 來啦!哥哥毋著緊來啦!通來合唱純情詩
(男) 來啦!毋免見笑,緊來啦!你有聽見無?
來啦!毋通予我心飄搖看見你的微笑,是有情意,有愛嬌
(女) 阮聽你的聲音猶原是含情音調乎!來啦!緊向這爿行來啦! 毋通停步,緊來啦!
(合) 來看夜景的美妙。




7.遊子吟 詞/姚讚福 曲/姚讚福 原唱/姚讚福  播放》》

南國彼所在 黄昏的時代  涼風微微來 吹入阮心内

彼時想看覓 實在悽慘代  遊子流世界 思家啥人知

月今光爍爍 星也金滿天  風景真稀微 正是無聊時

簫音歕無離 絃琴聲聲悲  遊子想規暝 心肝酸無比




8.窗邊小曲 詞/陳達儒 曲/姚讚福 原唱/牽治  播放》》

窗邊雨窗邊雨  透早落到黃昏烏 害阮無地通倚靠

開窗探頭看街路 想欲出門雨又粗

窗邊雨窗邊雨  害阮透暝攏袂睏  單守空房想阿君

平安對頭結緣份 今暝雨來心鬱悶

窗邊雨窗邊雨  害阮袂睏倚窗邊  聽著雨聲鑽心意

心頭悲悲望相見 一暝愈想像兩暝




9.戀愛風 詞/陳君玉 曲/黎錦暉 原唱/秀鑾  播放》》

戀愛風 戀愛風 見風就來  來吹吹吹 吹真戀 吹真愛

歡歡喜喜 這是天然來催排  真快活 真精彩  君也愛 阮也愛

戀愛風 戀愛風 見人就來  來吹吹吹 吹著君 吹著阮

思思念念 希望將來結成群  真快活 真精彩  君也愛 阮也愛

戀愛風 戀愛風 見人就來  來吹吹吹 吹好花 吹好果

甜甜蜜蜜 花開結果無風波  真快活 真精彩  君也愛 阮也愛




10.無醉不歸 詞/李臨秋 曲/王雲峰 原唱/張傳明  播放》》

酒味鼻著真正芳 酒味鼻著真正芳 鼻著骨頭齊輕鬆 害阮世事攏齊放 干焦會曉顧這項 哇哈哈~哇哈哈~

毋免驚怕面會紅 大家相招啉予伊茫 哇哈哈~哇哈哈~哇哈哈~

真是逍遙極樂界 真是逍遙極樂界

朋友叫來坐規排 啉酒原是爽快代 齊齊乾杯誠氣概 哇哈哈~哇哈哈~

興起氣發好厲害 憂愁悲哀毋敢來 哇哈哈~哇哈哈~哇哈哈~

宛然親像水道水 宛然親像水道水 將矸捾來闘在喙 頷頸伸直無停氣 均屬無醉是不歸 哇哈哈~哇哈哈~

戶橂若毋扛徙位 若無踢著半天飛 哇哈哈~哇哈哈~哇哈哈~




11.街頭的流浪 詞/守真 曲/周玉當 原唱/青春美  播放》》

景氣一年一年歹 生理一日一日害

頭家無趁錢 轉來食家己  哎唷哎唷 無頭路的兄弟

有心做牛拖無犁 失業兄弟行滿街

寒時無地睏 暗時某咧啼  哎唷哎唷 無頭路的兄弟

毋是大家歹八字 著恨天公無公平

日時遊街去 暝時踮路邊  哎唷哎唷 無頭路的兄弟




12.日暮山歌 詞/陳君玉 曲/周玉當 原唱/青春美  播放》》





13.閨女嘆 詞/陳君玉 曲/文藝部 原唱/雪蘭   播放》》

禮教遺傳數千代,定定叫阮毋通走出來。

阿母啊!你真糊塗,害阮心肝慒,關在房間內。

高貴聘金若無廢,有幾个好額人通來買?

阿母啊!你真糊塗,害阮心肝慒 定定著守空鋪。

將阮準物件來咧賣,若親像刣豬掠豬胚

阿母啊!你真糊塗,害阮心肝慒,阮的人格攏無顧。

出世閨女第一䆀,在厝從父出嫁從翁婿。

阿母啊!你真糊塗,害阮心肝慒,永遠無主裁。




14.放風吹 詞/漂舟 曲/快齋 原唱/鶯兒  播放》》

放風吹 放風吹 草仔埔 人誠濟

有的徛 有的坐 咱若來去放風吹

放風吹 放風吹 滿空中 隨風吹

有的紅 有的白 咱若來去放風吹

放風吹 放風吹 逐家來 逐家會

有的懸 有的低 咱若來去放風吹

放風吹 放風吹 好風吹 逐家欲

有的大 有的細 咱若來去放風吹




15.天黑黑 詞/漂舟 曲/快齋 原唱/鶯兒  播放》》

天烏烏欲落雨 經過又閣下晡

雨傘仔滿街路 雨水一點一點洗馬路

幌頭仔山青青 烏暗雲藏規間

棕簑(雨衣)咧揹錯爿 雨水一點一點沃苦楝

天烏烏欲落雨 水雞(青蛙)行過山埔

水雞講咧帶路 sia̋ng知行到半路拄著雨

幌頭仔山青青 田嬰(蜻蜓)兄真多情

蜘蛛網規桌頂 田嬰你放飛走收無淨




16.戀愛的路上 詞/若夢 曲/周添旺 原唱/純純  播放》》

公園內百花開 花蕊樹葉生真媠

黃昏時 查晡查某 散步規陣

涼亭樹跤 鉤頭纓纏 笑嘻嘻

籬笆邊 目箍紅喉滿纏

有的等 有的去  有的出 有的入

自由掛牌匾 戀愛大擴張

愛情大減價  快快趕緊來  機會毋通失

公園內好景致 野草閒花開齊備

黃昏時 查晡查某 相招緊來

噴水池邊 笑詼目箭 笑嘻嘻

苦無時 手牽手戀愛戲

有的等 有的去  有的出 有的入

自由掛牌匾 戀愛大擴張

愛情大減價  快快趕緊來  機會毋通失




17.乳母歌 詞/村老 曲/林禮涵 原唱/嬌英  播放》》

暝已深 人人沉靜  奶囝的吼聲猶毋停

搖搖搖 嬰嬰惜惜  做人的奶母 心袂清

冬風吹 冬天風寒  奶囝的吼聲猶不安

搖搖搖 嬰嬰惜惜  做人的奶母心艱難

囝啊囝 你著乖乖  你若閣再吼掛心懷

搖搖搖 嬰嬰惜惜  做人的奶母掛心懷

囝啊囝 你毋通吼  你若閣再吼目屎流

搖搖搖 嬰嬰惜惜  做人的奶母目屎流




18.桐花紅 詞/許炳煌 曲/陳秋霖 原唱/宜良、秀鑾  播放》》

男:稻仔割 搬入倉 九月冬 寒眠床 小妹啊 小妹啊喂 阮今ト回轉 阮今ト回轉 

女:月光光 照入門 娘等兄 兄毋轉 親兄啊 親兄啊喂 愈想愈心酸 割阮的心腸

女:籬笆邊 看見伊 手挽花 目屎滴 

男:小妹啊、小妹啊喂 快快來歡喜 阮今轉鄉里

女:相牽手 走入門 合:笑哈哈 較甜糖 

男:小妹啊  女:親兄啊喂 

合:今暝月真光 雙人情意長




19.烟花愛 詞/陳達儒 曲/陳秋霖 原唱/月鈴  播放》》

離鄉離君面 離遠情袂親

受苦煙花陣 啊也是為家貧

愛人啊 愛人喂 阮是賣面不賣身

身軀雖穿絹 心肝sia̋ng可憐

全望君相信 啊阮的愛是真

愛人啊 愛人喂 阮是賣面不賣身

離別光陰緊 日想暝陷眠

底時再相認 啊想到頭殼眩

愛人啊 愛人喂 阮是賣面不賣身




20.天國再緣 詞/詔朗 曲/王文龍 原唱/琴伶  播放》》

窗外所照的 今暝的月眉 予阮感覺著 悲嘆在心内 

江中的漁火 也親像目屎 兩人愛情 袂得可摧排

萬一汝若是  嫁出予别人 汝咱敢會得 活在這世間 

我的所打算 單獨有一項 只好到天國 放捒這世人 

兩个的愛情 實在是神聖 神明也的確 會共咱證明

咱也是甘願 一切來犧牲 無論到後世 也袂分兩爿

一切的希望 已經也消無 失戀的末路  親像樹葉落 

四面静寂寂 想著心真慒 波浪也吼出 怨嘆的音波




21.咖啡咖啡 詞/德音 編曲/古關 原唱/青春美  播放》》

酒場咖啡滿庭芳 紅燈綠燈照花窗

美人肉白酒色紅 癡呆毋醉是啥人

咖啡!咖啡!癡呆毋醉是啥人

笑聲杯聲相合奏 喝聲拳聲十全到

人生快樂盡頂頭 女給暗中目屎流

咖啡!咖啡!女給暗中目屎流

目屎流落可比雨 面上歡喜心內苦

客倌食酒身著顧 毋好酒茫毋知路

咖啡!咖啡!毋好跋倒滿身塗




22.美麗島 詞/黃得時 曲/朱火生 原唱/芬芬  播放》》

你看呢 一兩三 水牛食草過田岸 烏鶖娘啊來做伴 

尻脊頂徛咧看懸山 美麗島 美麗島 咱台灣

你看呢 合士上    暗飯食飽閒仙仙 某唱山歌翁挨弦

弓蕉跤月娘出誠現 美麗島 美麗島 咱台灣

你看呢 甘蔗園 阿兄敖力做酥蜜糖 愛情蜜甜較甜糖

一步行一步心頭酸 美麗島 美麗島 咱台灣




23.送君曲 詞/李臨秋 曲/姚讚福 原唱/純純  播放》》

送阮夫君欲起行,目屎流面無做聲,正手攑旗,倒手牽囝。

我君啊!做你去拍拚,家內放心免探聽。

為國盡忠無惜命,從軍出門好名聲,正手攑旗,倒手牽囝。

我君啊!神佛有靈聖,保庇功勞頭一名。

火車慢慢欲起行,大家萬歲喝三聲,正手攑旗,倒手牽囝。

我君啊!跤步毋免驚,彩緞掛旗滿街迎。




24.慰問袋 詞/李臨秋 曲/鄧雨賢 原唱/純純  播放》》

慰問袋,這包我君的,這支鉤耳扒,你妻親手袋,

寄去戰地,交帶咱全家,叫你有進都無退。

慰問袋,這包我君的,這條千人做,你妻親手袋,

寄去戰地,通保你肚皮,臨急銃子彈袂過。

慰問袋,這包我君的,這雙膨紗襪,你妻親手袋,

寄去戰地,通來踏霜雪,予你勇健添加倍。




25.新娘的感情 詞/陳君玉 曲/鄧雨賢 原唱/青春美  播放》》

昨暝啊 袂睏戇戇想 戇戇想 也若歡喜做新娘 也驚穿插人譬相

東想西也想 鑼鼓聲 八音聲 聽著挵房門的聲 哎唷 眠眠來搭嚇 

今日啊 講是和合日 和合日 爸母減阮通做陣 阮欲過位來結親

結親離鄉親 大炮聲 小炮聲 忽然轎門踢一聲 哎唷 害阮著一驚 

六禮啊 今也行好勢 行好勢 花燭房內靜靜坐 想著祖家變外家

外家變祖家 說笑聲 喝拳聲 聽欲鬧洞房的聲 哎唷 心肝茹車車




26.春春謠 詞/陳君玉 曲/陳清銀 原唱/純純、愛愛  播放》》

(純純)春天的風啊 定定起  春天的花啊 芳芳啊生

毋知怎樣啊 睏袂去  目睭金金啊 看上天

(愛愛)春天的星啊 暗暗爍  春天的月啊 恬恬啊圓

毋知怎樣咧 睏袂去  喙內常常咧 念歌詩


(合唱)春天的鳥啊 日日啼 春天的人啊 好好啊病

毋知怎樣咧 睏袂去面肉黃黃啊 無元氣




27.月給日 詞/李臨秋 曲/姚讚福 原唱/純純、黎明  播放》》

景氣這呢歹  食頭路 我極無愛

規月曰㧣肚臍  干乾領餉 有一擺

妹妹呀 咱緊來  月給日 你敢會知

女:哥哥呀流行派 衫褲激掛號頭牌

男:見笑代這是當店過斗概

做陣遊公園 愛情好 蜜閣參糖

無來(⻎日)是拍損 根屬少年 無久長

妹妹呀 來食堂  月給日 食咖哩飯

女:哥哥呀請借問  小停毋知按盞算

男:手免軟斷然無招雙人扛

今日好日子  錢遮濟 毋驚代誌

叫手車嫌費氣  雙人同坐タクシ

妹妹阿 轉來去  月給日 我極歡喜

女:哥哥阿 厝稅錢  拍算毋通用傷離

男:免掛意這陣毋用哪有時


以上歌詞感謝蕭藤村老師(教育部閩南語常用詞典編輯委員)進行台文校正(110.9.17校正更新)