-
您的購物車沒有加入任何商品
您的購物車沒有加入任何商品
心酸酸 作詞/陳達儒、作曲/姚讚福、演唱/秀巒
我君離開千里遠 放阮冷淡守家門 未食未睏腳手軟 暝日思君心酸酸
無疑一去無倒返 辜負青春暝暝長 連批連信煞來斷 害阮等無心酸酸
一時變心抹按算 秋風慘淡草木黃 風冷情冷是無向 光景引阮心酸酸
閒花嘆 作詞/李臨秋、作曲/鄧雨賢、編曲/奧山貞吉、演唱/純純
想當初 糖蜜甜 為家貧拆分離 東西別 兩鄉里 鴛鴦情失了去
牛郎織女欲相見 每年在天河邊阮的七夕待何時 目屎流滿盡時
君在外 路頭遠 阮掛念心頭酸 待何時 會回返 免你妻掛心腸
看人雙對看月光 咱十五在何方暝日目屎拌菜飯 思郎君瘦青黃
悲戀的酒杯 作詞/陳達儒、作曲/姚讚福、演唱/秀鑾
別人捧杯爽快在合歡 阮捧酒杯悽慘又失戀 世間幾個親像阮這款 噯唷！噯唷！ 愛是目屎甲憔煩
自嘆自恨看破了當初 吐氣無奈一杯又一杯 毋管人笑酒醉倒在地 噯唷！噯唷！誰知阮為甚問題
帶著酒氣暝日啶啶紅 目的不是貪著燒酒香 看破世情一切像眠夢 噯唷！噯唷！ 第一悽慘失戀人
一個紅蛋 作詞/李臨秋、作曲/鄧雨賢、編曲/奧山貞吉、演唱：林氏好
想卜結髮傳子孫 無疑明月遇黑雲 尫婿耽誤阮青春 噯唷 一個紅蛋動心悶
幕想享福成双對 那知洞房空富貴 忿蕊牡丹無露水 噯唷 一個紅蛋引珠淚
春那鴛鴦同一衾 傷情目屎難得禁 掛名夫妻對獨枕 噯唷 一個紅蛋潛亂心
情愛今生全無望 恰慘水虌墜落甕 堅守活寡十餘冬 噯唷 一個紅蛋催苦疼
你害我 作詞/李臨秋、作曲/鄧雨賢、演唱/純純
落霞飛雁留月影, 悽慘害伊斷腸聲 見景傷情頭殼痛, 你害我, 你害我, 害阮獨情即歹命
春到花開滿身邊, 獨我含蕊不對期 若無露水飛蝶死, 你害我, 你害我, 害阮單叢病相思
雨夜花 作詞/周添旺、作曲/鄧雨賢、演唱/純純
雨夜花 雨夜花 受風雨吹落地 無人看見 每日怨嗟 花謝落土不再回
花落土 花落土 有誰人倘看顧 無情風雨 誤阮前途 花蕊哪落欲如何
雨無情 雨無情 無想阮的前程 並無看顧 軟弱心性 乎阮前途失光明
雨水滴 雨水滴 引阮入受難池 怎樣乎阮 離葉離枝 永遠無人倘看見
港邊惜別 作詞/陳達儒、作曲/八十島、演唱/吳成家、月鶯、月玲
戀愛夢 被人來拆破 送君離別啊 港風對面寒 真情真愛 父母無開化 不知少年啊 熱情的心肝
自由夢 被人來所害 快樂未透啊 隨時變悲哀 港邊惜別 天星像目屎 傷心今暝啊 欲來分東西
