2021舊曲新聲彈唱秀指定曲目

1.望春風  詞/李臨秋 曲/鄧雨賢 原唱/純純   播放》》

獨夜無伴守燈下　清風對面吹　十七八　未出嫁　見著少年家

果然標緻面肉白　誰家人子弟　想欲問伊驚歹勢　心內彈琵琶

想欲郎君做翁婿　意愛在心內　等何時　君來採　青春花當開

忽聽外頭有人來　開門偕看覓　月老笑阮戇大呆　予風騙毋知

 

2.碎心花 詞/周添旺    曲/鄧雨賢 原唱/嬌英  播放》》

閒夜無伴，倚在桌邊，看見當開，一蕊花枝，

含帶芳味，花紅葉青，引阮心內，思念當時。

純情的愛，伊亦毋知，佮阮離開，有去無來，

美滿情意，並無存在，動阮心肝，加添悲哀，

東風吹來，亦毋知冷，心內只恨，伊的薄情，

想起昨日，初戀情影，今日才知，誤阮一生。

 

3.悲戀的酒杯  詞/陳達儒 曲/姚讚福 原唱/秀鑾     播放》》

別人捀杯，爽快咧合歡。阮捀酒杯，悽慘又失戀。

世間幾个阮這款。哎喲！哎喲！愛是目屎佮操煩

自嘆自恨，看破了當初(chhue1)。吐氣無奈，一杯又一杯

毋管人笑醉在地。哎喲！哎喲！sia̋ng知阮為啥問題

抱著相思，暝日定定紅。目的毋是，貪著燒酒芳。

看破世情像眠夢。哎喲！哎喲！第一悽慘失戀人

 

4.補破網 詞/李臨秋    曲/王雲峰   播放》》

見著網，目箍紅，破甲遮大空。有一步，無半項，啥人知阮若痛？

今日若將這來放，是永遠免希望。為著前途鑽活縫，揣家私補破網。

手攑針，頭就重，悽慘阮一人。意中人，走佗藏，哪無來鬥相幫？

姑不而將罔振動，攑長針接西東，天河用線作橋枋，全精神補破網。

 

5.一個紅蛋 詞/李臨秋 曲/鄧雨賢 原唱/純純  播放》》

想欲結髮傳囝孫　無疑明月拄烏雲　翁婿耽誤阮青春　哎唷　一個紅蛋動心悶

望想享福成雙對　哪知洞房空富貴　含蕊牡丹無露水　哎唷　一個紅蛋引珠淚

春野鴛鴦同一衾　傷情目屎難得禁　掛名夫妻對獨枕　哎唷　一個紅蛋鑽亂心

情愛今生全無望　較慘水鱉墜落甕　堅守活寡十外冬　哎唷　一個紅蛋催苦痛

 

6.雨夜花 詞/周添旺 曲/鄧雨賢 原唱/純純   播放》》

雨夜花　雨夜花　受風雨吹落地　無人看見　暝日怨慼　花謝落塗不再回

花落塗　花落塗　有啥人通看見　無情風雨　誤阮前途　花蕊若落欲如何

雨無情　雨無情　無想阮的前程　並無看顧　軟弱心性　予阮前途失光明

雨水滴　雨水滴　引阮入受難池　怎樣予阮　離葉離枝　永遠無人通看見

 

7.滿面春風  詞/周添旺 曲/鄧雨賢 原唱/純純、愛愛   播放》》

人阮彼日，佮伊雙人，做陣去遊江。伊有對阮，講起愛情，說出青春夢。　

又講阮，生做愛嬌，生成真活動。予阮一時，想著歹勢，見笑面煞紅。

又閣一日，佮伊行入，一間小茶房。雙人對坐，滿面春風，咖啡味清芳。　

彼一日，亦有講起，結婚的事項。予阮一時，想著歹勢，見笑面煞紅。

人阮彼日，淒涼一人，坐在繡樓窗。看見暗暗，小路一个，佮伊真相同。　

心歡喜，叫伊的名，看真毋著人。予阮一時，想著歹勢，見笑面煞紅。

一日黃昏，伊又講起，若達成希望。會得結婚，毋免等待，三年抑兩冬。　

通造成，可愛囝兒，幸福一世人。予阮一時，想著歹勢，見笑面煞紅。

  

8.月夜愁  詞/周添旺 曲/鄧雨賢 原唱/純純   播放》》

月色照在三線路　風吹微微　等待的人哪未來　心內真可疑　想毋出彼个人　啊…怨嘆月暝

敢是註定無緣份　所愛的伊　因何予阮放袂離　夢中來相見　斷腸詩唱袂止　啊…憂愁月暝

更深無伴獨相思　秋蟬哀啼　月光所照的樹影　加添阮傷悲　心頭酸目屎滴　啊…無聊月暝

 

9.心酸酸  詞/陳達儒 曲/姚讚福 原唱/秀鑾  播放》》

我君離開千里遠啊　放阮冷淡守家門　袂食袂睏跤手軟啊　暝日思君心酸酸

無疑一去無倒轉啊　辜負青春暝暝長　連批連信煞來斷啊　害阮等無心酸酸

一時變心袂按算啊　秋風慘淡草木黃　風冷情冷是無向啊　光景引阮心酸酸

 

10.四季紅  詞/李臨秋 曲/鄧雨賢 原唱/純純、豔豔　播放》》

春天花清芳　雙人心頭齊振動　有話想欲對你講　毋知通抑毋通

佗一項　敢猶有別項　肉吻笑　目睭目夅　你我戀花朱朱紅

夏天風輕鬆　雙人坐船咧遊江　有話想欲對你講　毋知通抑毋通

佗一項　敢猶有別項　肉吻笑　目睭目夅　水底日頭朱朱紅

秋天月照窗　雙人相好有所望　有話想欲對你講　毋知通抑毋通

佗一項　敢猶有別項　肉吻笑　目睭目夅　喙唇胭脂朱朱紅

冬天霜雪凍　雙人燒酒啉袂茫　有話想欲對你講　毋知通抑毋通

佗一項　敢猶有別項　肉吻笑　目睭目夅　燈照面色朱朱紅

11.我的青春     詞/陳達儒 曲/姚讚福 原唱/王福　播放》》

月色清光照你我   世間心適真快活

定定天清清路闊闊  我的青春　你的青春

我真歡喜　你也歡喜    雙人熱情在心肝

濃愛甜蜜青春夢   可比海邊雙船帆

同陣㧣風浪同倚港  我的青春　你的青春

我真歡喜　你也歡喜   無論早暗也成雙

愛情投合心扞定   你是阮的燈火影

有你在身邊　阮也行   我的青春　你的青春

我真歡喜　你也歡喜   爽快同進青春城

12.港邊惜別      詞/陳達儒 曲/八十島 原唱/吳成家、月鶯、月玲       播放》》

戀愛夢　予人來拆破　送君離別啊　港風對面寒　真情真愛　爸母無開化　毋知少年啊　熱情的心肝

自由夢　予人來所礙　快樂未透啊　隨時變悲哀　港邊惜別　天星像目屎　傷心今暝啊　欲來分東西

以上歌詞感謝蕭藤村老師(教育部閩南語常用詞典編輯委員)進行台文校正(110.9.17校正更新)

回戀戀曾文溪節目專區