聲音演員

18歲宗德 / 黃昱閔
宗德 / 林怡呈
淑華 / 林孟融
美玉 / 古奇芬
阿伯 / 王家仁
阿婆 / 李秀蓉
車掌 / 方曣涏
老師 / 簡慈潔
同學 / 李格銘
債主 / 趙子賢
員工 / 李格銘
頭家娘 / 杜政姍
男廠商 / 謝鎮嶸
女廠商 / 鄭羽茜
總機 / 方曣涏

台語教室

國立成功大學

閱讀吳念真全民徵文

 讀念 / 李泓瑨

作者/黃大筆(美術工藝教師、台中市)      

 前幾工佇台中歌劇院看完吳念真導演-押解菜鳥仔警察佮老剪綹仔舞台劇，規齣戲大部份攏是佇50年代台灣平快車頂搬演，予我想起我真久以前收藏的一本繪本-八歲一個人去旅行是吳念真寫家己細漢的時受慇老爸派去坐火車到宜蘭姨婆的厝，敢若就是欲提一支頂擺袂記得提轉來的彼支雨傘，又閣講伊身高無超過120公分毋免買車票，所以無提錢予伊，將按呢佇厝內的阿嬤阿母有駡有哭的氣氛中一個猴囝仔孤孤單單去坐上這班逐站攏停慢慢仔駛的火車。

細漢吳念真佇車廂內面鼻著是各種青菜水果透濫的氣味 ，坐佇身邊一位阿婆仔焦瘦的雙腳邊仔伉著一籠歹歹的幾粒芭樂仔，阿婆提一粒予伊吃順煞交代火車若到羅東愛佮叫喔！那知老歲仔人半路竟然昏倒去，伊緊張大聲喝救人，規車底攏倚過來急救，一個黑吉桑喝:有人身軀紮白花油亦是萬金油莫？佳哉吳念真慇老爸干若予伊紮一盒萬金油拄好提來救著阿婆仔，有一位查某人講:恁孫仔真巧妳真有福氣！伊毋知按怎講我毋是阿婆的孫仔啦！

落車時阿婆仔將兩個銅錢仔塞佇伊的手，伊講阮阿母交代袂使得黑白提親份人的錢！阿婆仔講:憨囝仔我就是恁阿嬤啊！

這本繪本描寫吳念真遐細漢就真勇敢家己坐火車經歷這段溫暖的過程，今仔伊已經有歲仔嘛用心導出押解這齣在地發生佇火車頂真趣味的故事，感動著濟濟的觀眾，尤其是看著袂少的少年人同齊感受著本土戲劇的親切，這亦是吳念真導演長期為台灣所做的貢獻矣！