第23集 秘密

 全民徵文

     見擺聽著這款故事，我心內就足艱苦，台灣以早社會往往認為查某囡仔就是了 錢、飼查某囝是替人飼，查埔才會使傳後嗣。我出世佇庄跤，庄仔內若出現穿插真媠 的小姐，規庄頭的囡仔攏會足好玄，問厝內序大人，in捷捷會講出一個真親像的故 事。佇台灣彼個重男輕女的年代，彼個散赤的家庭若是出世一個查某囡仔，伊對細漢 就要開始做工課，可能是做穡、做家內事、煮飯菜、飼豬仔、飼雞仔、tshuā小弟小妹。 若彼個散赤又閣重男輕女的家庭出現變卦，阿兄無錢讀冊、厝內人破病、老爸虧欠別人，查某囡仔就形做那個家庭的財物，伊四常予爸母提出去拄數，伊可能就出外做趁 食查某，趁錢轉來予厝內人。

　我真好運，雖罔出世佇庄跤，雖罔厝內有4個查某囡仔閣一個小弟，我的爸母嘛是拚性命晟養阮，予阮讀冊，看重阮姐弟仔的癖性，予阮逍遙自在咧過日子。向望親像阿英的故事真正是彼個古早古早的故事。